काठमाडौँ महानगरको मेयरमा बालेनको फराकिलो अग्रता

काठमाडौँ- स्वतन्त्र उम्मेदवार वालेन्द्र साहले काठमाडौँ महानगरपालिकाको प्रमुखमा आफ्नो अग्रतालाई कायमै राखेका छन् ।

५४,४८९ मत गणना हुदा उनले २०,६७९ मत ल्याएको पछिल्लो मत परिणामले जनाएको छ । उनी आफ्ना निकटतम प्रतिस्पर्धी नेकपा एमालेका केशव स्थापितभन्दा झण्डै दोब्बर मतले अगाडि छन् । स्थापितले ११,१०३ मत प्राप्त गरेका छन् ।

त्यस्तै नेपाली काँग्रेसकी सिर्जना श्रेष्ठले १०,०१५ मत पाएकी छन् ।