काठमाडौँ महानगर प्रमुखमा वालेन्द्र साहको अग्रता कायमै

काठमाडौँ : स्वतन्त्र उम्मेदवार वालेन्द्र साहले काठमाडौँ महानगरपालिकाको प्रमुखमा आफ्नो अग्रतालाई कायमै राखेका छन् ।

उनले १५,४०२ मत ल्याएको पछिल्लो मत परिणामले जनाएको छ । उनी आफ्ना निकटतम प्रतिस्पर्धी नेकपा एमालेका केशव स्थापितभन्दा झण्डै दोब्बर मतले अगाडि छन् । स्थापितले ८,२८८ मत प्राप्त गरेका छन् ।

त्यस्तै नेपाली काँग्रेसकी सिर्जना श्रेष्ठले ७,२९० मत पाएकी छन् ।