आजको मौसम : पूर्वी भागमा वर्षाको सम्भावना

काठमाडौँ- मनसुन सक्रिय भएसँगै देशका अधिकांश स्थानमा निरन्तर वर्षा भइरहेको छ ।

जल तथा माैसम विज्ञान विभागकाे माैसम पूर्वानुमान महाशाखाका अनुसार अहिले देशका अधिकांश भूभागमा सामान्यदेखि पूर्ण बदली रहेको छ ।

महाशाखाले आज दिउँसो सबै प्रदेशका थोरै स्थानहरूमा हल्कादेखि मध्यम वर्षाको सम्भावना रहेको जनाएको छ।

जल तथा मौसम विज्ञान विभागले देशभर मनसुनी वायुको चाप उच्च रहेको जनाएको छ । आज प्रदेश १, प्रदेश २, बागमती र गण्डकी प्रदेशका धेरै स्थानमा मेघ गर्जनसहित भारी वर्षा हुने महाशाखाको भनाइ छ ।

ती प्रदेशहरूको पहाडी भू–भागमा भू–क्षय, पहिरो तथा गेग्रान बहावको जोखिम रहेको आवश्यक सतर्कता अपनाउन समेत अनुरोध गरिएको छ ।