आजको मौसम : देशका केही भागमा हल्कादेखि मध्यम वर्षा

काठमाडौँ- जल तथा मौसम विज्ञान विभागको मौसम पूर्वानुमान महाशाखाका अनुसार पश्चिमी वायुसँगै स्थानीय वायुको मिश्रित प्रभाव रहेका कारण देशका अधिकांश स्थानमा आंशिक बदली रहेको छ ।

अहिले देशका केही स्थानमा हल्कादेखि मध्यम वर्षा भइरहेको महाशाखाले जनाएको छ ।

महाशाखाले दिउँसो देशभर आंशिकदेखि सामान्य बदली रहने जनाएको छ । महाशाखाका अनुसार देशका केही स्थानमा मेघगर्जन, चट्याङसहित हल्कादेखि मध्यम वर्षाको सम्भावनासमेत रहेको छ ।

आज राति देशभर आंशिकदेखि सामान्य बदली रही देशका केही स्थानमा सामान्य वर्षाको सम्भावना रहेको महाशाखाले जनाएको छ ।