आजको मौसम : पहाडी भागमा वर्षाको सम्भावना

काठमाडौँ- जल तथा मौसम विज्ञान विभागको मौसम पूर्वानुमान महाशाखाका अनुसार पश्चिमी–पूर्वी वायु र स्थानीय वायुको मिश्रित प्रभावका कारण देशका केही स्थानमा आशिंक बदली देखिएको छ ।

अहिले बिहान देशका केही पहाडी भू–भागमा आंशिकदेखि सामान्य बदली रहेको महाशाखाले जनाएको छ ।

महाशाखाले दिउँसो प्रदेश १, प्रदेश २, बागमती, गण्डकी, कर्णाली प्रदेशमा आंशिकदेखि सामान्य बदली रही अन्य स्थानहरूमा आंशिक बदली रहने दाबी गरेको छ ।

महाशाखाले प्रदेश १, प्रदेश २, बागमती प्रदेश र गण्डकी प्रदेशका केही स्थानमा मेघगर्जन र चट्याङसहित हल्का वर्षाको सम्भावनासमेत रहेको बताएको छ ।

राति पहाडी भू–भागमा आंशिक देखि सामान्य बदली रही अन्य स्थानमा आंशिक बदली रहनेछ । प्रदेश १, प्रदेश २, बागमती प्रदेश र गण्डकी प्रदेशका केही स्थानमा मेघगर्जन तथा चट्याङसहित हल्का वर्षा को सम्भावना रहेको पूर्वानुमान महाशाखाले जानकारी दिएको छ ।