आजको मौसम : केहि स्थानमा मेघगर्जनसहित हल्का वर्षा

काठमाडौँ- जल तथा मौसम पूर्वानुमान महाशाखाले हाल देशमा पश्चिमी वायु र स्थानीय वायुको सामान्य प्रभाव जनाएको छ । अहिले बागमती प्रदेश, गण्डकी प्रदेश र सुदुरपश्चिम प्रदेशमा आंशिक देखि सामान्य बदली रहेको महाशाखाले जनाएको छ । बाकी भूभागमा मौसम सामान्यतया सफा रहेको छ।

आज दिनभर प्रदेश १, प्रदेश २ र बागमती प्रदेश लगायत अन्य प्रदेशका पहाडी भूभागहरुमा आंशिकदेखि सामान्य बदली रही अन्य स्थानहरूमा सामान्यतया मौसम सफा रहने पूर्वानुमान गरिएको छ । यस्तै पहाडी भूभागका एक दुई स्थानहरुमा मेघगर्जनसहित हल्का वर्षाको सम्भावना रहेको छ ।

यस्तै राति पहाडी भूभागहरुमा आंशिकदेखि सामान्य बदली रहनेछ । बाँकी भूभागमा मौसम सामान्यतया सफा रहनेछ । यस्तै प्रदेश १ का एक दुई स्थानमा मेघगर्जनसहित हल्का वर्षाको सम्भावना रहेको छ ।