मौसम – आज कहाँ कहाँ वर्षा ?

काठमाडौँ  – हाल देशभर मनसुनी वायु को प्रभाव रहेको छ साथै मनसुन न्युन चापीय रेखा नेपाल नजिक रहेको छ ।

देशका विभिन्न स्थानमा आज विहानैदेखि वर्षा भइरहेको छ । मौसम पूर्वानुमान महाशाखाले दिउँसो र साँझ पनि वर्षाको सम्भावना रहेको जानकारी दिए । देशभर आँशिक देखि सामान्य बदली रही सुदुर पश्चिम प्रदेश र प्रदेश २ का थोरै स्थानहरुमा वर्षा भईरहेको छ ।

देशका सबै प्रदेशहरुमा आज दिउँसो सामान्य बदली रही सबै प्रदेशका केहि स्थानहरुमा मेघगर्जनर चट्याङ सहित हल्का देखि मध्यम वर्षाको सम्भावना रहेको मौसम पूर्वानुमान महाशाखाले जनाएको छ ।

देशको सबै प्रदेशहरुमा आज राती सामान्य बदली रही सबै प्रदेशका केहि स्थानहरुमा मेघगर्जनर चट्याङ सहित हल्का देखि मध्यम वर्षाको सम्भावना रहेको छ । प्रदेश १, प्रदेश २, गण्डकी प्रदेशका एक-दुई स्थानमा भारी वर्षाको सम्भावना रहेको छ ।