देशका विभिन्न स्थानमा भरि वर्षा, सतर्क रहन आग्रह

काठमाडौँ  – देशभर मनसुनी गतिविधि बढेको छ । मौसम पूर्वानुमान महाशाखाले १२ जुनमा नेपालको पूर्वी भु भागबाट प्रवेश गरेको मनसुनले २१ जुनबाट देशैभर प्रभाव पारेको जनाएको छ । देशभर मनसुनी गतिविधि बढेको छ । योसँगै मौसमी गतिविधि बढ्ने भएकाले सतर्कता अपनाउन र पूर्वतयारीमा लाग्न अनुरोध गरेको छ ।

गएराति देखि देशका विभिन्न भुभागमा अविरल वर्षा भइरहेको छ । काठमाडौं उपत्यकालगायतका आसपासका जिल्लाहरुमा विहानै देखि वर्षा भइरहेको छ ।

मौसम पूर्वानुमान महाशाखाका अनुसार देशभर सामान्य देखि पुर्ण बदली हुने छ । प्रदेश १, प्रदेश २, प्रदेश ५, बागमती प्रदेश, गण्डकी प्रदेशका केही स्थानहरुमा साथै कर्णाली र सुदुर पश्चिम प्रदेशका थोरै स्थानहरुमा फाटफुट देखि मध्यम वर्षाको संभावना रहेको छ।

प्रदेश १, प्रदेश २, बागमती प्रदेश, गण्डकी प्रदेश र प्रदेश नं ५ का एक वा दुई स्थानहरुमा भारी वर्षाको संभावना रहेको छ।