ग्यास सिलिण्डर विस्फोट हुँदा ८ को मृत्यु

एजेन्सी – खाना पकाउने ग्यास सिलिण्डर भारतको उत्तर प्रदेशमा विस्फोट हुँदा ८ जनाको मृत्यु भएको छ भने ७ जना घाइते भएका छन् ।

उत्तर प्रदेशको गोन्डा जिल्लामा मंगलबार राति ग्यास सिलिण्डर विस्फोट भएको थियो । विस्फोटमा परी ८ जनाले ज्यान गुमाएको र ७ जना घाइते भएको भारतीय समाचार माध्यमले जनाएका छन् । ज्यान गुमाउनेमध्ये २ महिला, २ पुरुष र ४ बालबालिका रहेका छन् ।

उक्त विस्फोटपछि टिक्री गाउँमा भएको एक आपसमा जोडिएका २ वटा घर ढलेका थिए । नुरल हसनको परिवारले खाना पकाइरहेका बेला ग्यास सिलिण्डर विस्फोट भएको समाचारमा उल्लेख गरिएको छ ।

ग्यास सिलिण्डर विस्फोट हुनुको कारणबारे अनुसन्धान भइरहेको प्रहरीले जनाएको छ ।