कोरियामा शिक्षिकाले कक्षाकोठामै आफ्नो ज्यान लिएपछि

सोल- महानगरीय शिक्षा कार्यालयका अनुसार दक्षिणी सोलको सेओचो-गुमा एक प्राथमिक विद्यालय शिक्षिकाले मंगलबार बिहान कक्षाकोठामा आत्महत्या गरेकी छिन् ।

रिपोर्टहरूका अनुसार २३ वर्षीया शिक्षिका, जसको पहिचान गोप्य राखिएको छ, बिहान विद्यालय सुरु हुनु अघि आत्महत्या गरेकी थिइन ।

शिक्षिका २३ वर्षीया महिला थिइन् जसले यस वर्ष मात्र शिक्षक प्रमाणीकरण परीक्षा पास गरेकी थिइन् । कुनै पनि विद्यार्थीले आत्महत्याको उक्त दृश्य नदेखेको शिक्षा कार्यालयले जनाएको छ ।

मृत्युको समय पत्ता लगाउन प्रहरीले हाल घटनाको अनुसन्धान गरिरहेको र यकिन कारण पत्ता लगाउन बाँकी रहेको कार्यालयले जनाएको छ ।

घटनास्थलमा कुनै सुसाइड नोट नभेटेको भन्दै कार्यालयले यस विषयमा थप प्रतिक्रिया दिन अस्वीकार गरेको छ ।