कोरियामा अकल्पनीय घटना -भिडले किचेर १ सय ५१ को मृत्यु

सोल-दक्षिण कोरियाको राजधानी सोलमा भिडमा किचिएर १५१ जनाको मृत्यु भएको छ भने ८२ जना घाइते भएका छन् । मृत्यु हुनेमा १९ जना विदेशी नागरिक रहेका छन्।

योंह्याप समाचार समितिले जनाए अनुससार २९ तारिख राति भएको घटनामा ८२ जना गम्भीर घाइते भएका छन्।

यो घटना २०१४ पछिकै ठुलो घटना मानिएको छ। २०१४ मा सेहोरो पानी जहाज दुर्घटनामा ३०४ जनाको ज्यान गएको थियो।

तथ्यांक संकलन र उद्धारको काम जारी रहेकाले हताहती हुनेको संख्या बढ्न सक्ने अनुमान गरिएको अधिकारीहरुले गरेका छन् ।

हेलोवन पर्व मनाउनका लागि इथेवन भन्ने स्थानमा भिड जम्मा भएको थियो । त्यही भिडमा एकजना व्यक्ति लडेपछि भागदौड मच्चिएको प्रत्यक्षदर्शीलाई उद्धृत गर्दै सन्चार माध्यमहरुले जनाएका छन् ।

घटनामा मृत्यु हुनेमा धेरैजसो युवाहरु रहेको अधिकारीहरूले बताएका छन् । घाइतेहरूलाई सडकमै सुताएर उपचार गरिएको भिडियोमा देखिन्छ ।