नयाँ दिल्लीमा भिषण आगलागी, २७ जनाको मृत्यु

नयाँ दिल्ली- भारतको राजधानी नयाँ दिल्लीस्थित एक भवनमा आगलागी भएको छ । आगलागीमा परेर कम्तीमा २७ जनाको मृत्यु भएको र १२ जना घाइते भएको भारतीय सञ्चार माध्यमले जनाएका छन् ।

राजधानीको पश्चिममा रहेको मुण्डका मेट्रो स्टेसन नजिकै आगलागी भएको हो । आगलागी हुँदा ७० भन्दा बढी मानिस भवनमा रहेको र प्रहरीले झ्यालका सिसा फोडेर मानिसको उद्धार गरेको सञ्चार माध्यमले जानकारी दिएका छन् ।

आगो नियन्त्रणमा आएपछि उद्धार कार्य जारी रहेको बताइएको छ ।

घटनामा संलग्न रहेको आरोपमा दुईजनालाई पक्राउ गरिएको छ ।