एक हजारभन्दा बढी युक्रेनी सैनिकद्वारा आत्मसमर्पण

काठमाडौँ- रूसी रक्षा मन्त्रालयका अनुसार एक हजारभन्दा बढी युक्रेनी सैनिकले पूर्वी युक्रेनको बन्दरगाह शहर मारिउपोलमा आत्मसमर्पण गरेका छन् ।

मन्त्रालयले बुधबार विज्ञप्ति जारी गर्दै ती सैनिकलाई रुसी सेनाले एक महिनाभन्दा बढी समयदेखि घेरामा राखेको जनाएको छ।

मन्त्रालयले विज्ञप्तिमार्फत मारिउपोल शहरमा एक हजार २६ युक्रेनी सैनिकहरूले स्वेच्छाले हतियार त्यागेर आत्मसमर्पण गरेको जानकारी दिएको छ।