कोरियन महिलाले गरिन् , सौतेलो छोराको निर्मम हत्या

सोल- दक्षिण कोरियामा एक महिलाले सौतेलो छोरालाई कुटपिट गरि हत्या गरेका छन्।

ती आमाले ३ वर्षीय सौतेलो छोराले आफ्नो कुरा नसुनेको भन्दै कुटपिट गरी हत्या गरेको आरोपमा प्रहरीले आइतबार पक्राउ गरेको छ ।

घटना पश्चात बालकका बुबाले प्रहरीलाई खबर गरेका थिए। प्रहरीहरूले भुइँमा बच्चाको बान्ता जस्तो देखिने भेट्टाए । उनलाई चोट लागेको थियो र उनलाई अस्पताल लगिएको थियो तर छ घण्टापछि उनको मृत्यु भएको प्रहरीले जनाएको छ।

३३ वर्षीय ती संदिग्ध महिलालाई शनिबार बिना वारेन्ट पक्राउ गरिएको थियो।

प्रहरीका अनुसार घरमा धेरै खाली रक्सीका बोतलहरू भेटिएको थियो।

बालकको आमाले बयान दिए अनुसार अगस्ट २०१९ मा श्रीमानसंग सम्बन्ध बिच्छेद गरेदेखि आफ्नो छोरालाई कहिल्यै भेट्न पाएकी थिइनन् ।

प्रहरीले बालकको शवको पोस्टमार्टम गरी दुर्ब्यबहारको विवरण पत्ता लगाउने योजना रहेको बताएको छ ।

अभियुक्त महिला आठ हप्ताको गर्भवती रहेको समेत जनाइएको छ ।