दक्षिण कोरियामा फेरी भूकम्प

सोल-दक्षिण कोरियाको पोहाङ्ग क्षेत्रमा भूकम्प गएको केहि दिन नबित्दै फेरी भूकम्प गएको छ।

यहाँको मौसम विभागले जनाए अनुसार बुधबार बिहान दक्षिण पश्चिममा पर्ने उल्सान ३५ किलोमिटर क्षेत्रमा बिहान १ बजेर ३९ मिनेट जाँदा २.९ म्याग्नच्युडको भूकम्प गएको हो।

भूकम्पको केन्द्रविन्दु १९ किलोमिटरको गहिराइमा थियो र भूकम्पको कम्पन भूकम्पीय तीव्रताको मापनमा लेभल १ मा रेकर्ड गरिएको थियो, जसको मतलब अधिकांश मानिसहरूले भुकम्पको महसुस गरेका थिएनन्।

विभागका अनुसार यो वर्ष कोरियाली प्रायद्वीपमा हालसम्मको चौथो शक्तिशाली भूकम्प थियो ।

आजको भूकम्पले कुनै क्षति नपुगेको मौसम विभागले जनाएको छ ।

यो वर्ष सबैभन्दा शक्तिशाली ४ म्याग्निच्युडको भूकम्प अगस्ट २१ मा सोलबाट लगभग २७५ किलोमिटर टाढा गुन्सान नजिकैको इओच्योङ टापुमा आएको थियो।