भारतमा मन्त्रीका छोरालाई हत्या कसुरमा मुद्दा

उत्तर प्रदेश-भारतका केन्द्रीय मन्त्री अजयकुमार मिश्रका छोराविरुद्ध हत्या कसुरमा मुद्दा दायर गरिएको छ ।

मन्त्री मिश्रका छोरा आशिष मिश्रले उत्तर प्रदेशको लखिमपुर खेरीमा प्रदर्शनमा उत्रिएका किसानलाई किचेर गाडी हाँकेका थिए ।

किसानले केन्द्रीय मन्त्री मिश्र र सहायक मुख्यमन्त्री केशवप्रसाद मौरयालाई लखिमपुर खेरीमा अवराेध गरेपछि आशिष मिश्रले चलाएको गाडीले किसानलाई किचेको थियो ।

आशिषले योजनाबद्ध ढंगले प्रदर्शनमा उत्रिएका किसानलाई किचेर मारेको किसानले आराेप लगाएका छन् । सो घटनामा चारजना किसानसहित आठजना मारिएका थिए ।