दक्षिण कोरियामा सहकर्मीद्वारा यौन दुर्व्यवहार भएपछि आत्महत्या

सोल- सहकर्मीद्वारा यौन दुर्व्यवहार पछि एक महिला वायुसेना अधिकारीले आत्महत्या गरेकी छिन् ।

सोसन सहरमा तैनात महिला मास्टर सार्जेंटलाई जंग थर भएका व्यक्तिले निजी जमघटबाट सैन्य आधार फर्किने क्रममा कारमा यौन दुर्व्यवहार गरेको अधिकारीहरुले जनाएका छन् । महिलालाई जान मन नभएतापनि उक्त निजी जमघटमा आउन बाध्य बनाईएको पनि अधिकारीहरुले बताएका छन् ।

त्यसपश्चात उनले भोलिपल्ट अधिकारीहरुलाई मुद्दा रिपोर्ट गरे तर सेनाले पीडितको सुरक्षाका लागि उचित कदम चाल्न असफल भएको थियो ।

शोक सन्तप्त परिवारका सदस्यहरूका अनुसार जंग, साथसाथै उनको परिवारका सदस्यहरू र वरिष्ठ अधिकारीहरूले भने उक्त मुद्दालाई ढाकछोप गर्न खोजेका थिए र मुद्दा फिर्ता गर्न भनेका थिए ।

दुई महिनाको बिदा लिएपछि उनलाई अर्कै सैन्य आधारमा सरुवा गरिएको थियो तर पछिल्लो महिना उनको सैन्य बेसको निवासमा मृत भेटिएको थियो ।

रक्षा मन्त्री वूकले पुलिस र अभियोजन पक्षको संयुक्त टोली गठन गर्न र घटनाबारे अनुसन्धान गर्न आदेश दिएका छन् ।