कोरियाली पूर्वराष्ट्रपतिलाई १८ अर्ब जरिवाना र २० बर्ष जेल सजायँ

सोल- भ्रष्टचार अभियोगमा दक्षिण कोरियाकी पूर्वराष्ट्रपति पार्क गुण ह्येलाई २० वर्षको जृल सजायँ सुनाइएको छ ।

उच्च तहको भ्रष्ट्राचार मुद्दामा त्यहाँको सर्वाेच्च अदालतले उनलाई जेल सजायँ तोकेको कोरियन समाचार एसेन्सी योन्ह्यपले जनाएको छ ।

योन्हापका अनुसार जेल सजायँका साथै पार्कलाई १८ अर्ब कोरियन वन जरिवाना तोकिएको छ ।

२०१३ देखि २०१७ सम्म दक्षिण कोरियाकी राष्ट्रपति रहेकी पार्कले विदेशी कम्पनीहरुबाट करोडौँ डलर घुस लिएको भन्दै उनीमाथि मुद्दा दायर भएको थियो ।

दक्षिण कोरियाको पहिलो महिला राष्ट्रपति रहेकी पार्कलाई भ्रष्टाचारको अभियोग लागेपछि पदबाट हटाइएको थियो ।

६८ वर्षीया पार्क २०१७ मार्च ३१ देखि नै कारागारमा रहँदै आएकी छिन् ।