गाई र बंगुरको मासुमा कोरोना भेटियो

बेइजिङ- चीनको जिनान प्रान्तमा ल्याटिन अमेरिकी देशहरु तथा न्युजिल्याण्डबाट आयातित ‘फ्रोजन मिट’ मा कोरोना भाइरसका जिवाणु फेला परेको प्रान्त सरकारले बताएको छ ।

ब्राजिल, बोलिभिया तथा न्युजिल्याण्डबाट चीन ल्याइएको गाइको मासुमा उक्त भाइरस फेला परेको हो । त्यस्तै अर्जेन्टिनाबाट ल्याइएको सुँगुरको मासुमा समेत कोरोना भाइरसका जिवाणु पाइएको हो ।

विश्व स्वास्थ्य संगठनले फ्रोजन मिटबाट कोरोना संक्रमण सर्ने सम्भावना अत्यन्तै न्युन भएको बताएता पनि चीनले भने त्यस्ता उत्पादनहरुमा परिक्षणलाई तीब्रता दिएको छ । चीनले त्यस्ता स्थानबाट आयात हुने मासुलाई बन्द गर्ने सम्मको रणनिति लिएको समाचारमा जनाइएको छ ।

चीन विश्वकै बढी गाईको मासु आयात गर्ने मुलुक हो । गत हप्ता मात्र अर्जेन्टिनाबाट ल्याइएको गाईको मासुमा भाइरस फेला परेको थियो । कोरोनाको उद्गमस्थल उहानमा समेत ब्राजिलबाट ल्याइएको मासुमा कोरोना पाइएको थियो ।

हालसम्म ती मासु प्रयोग गर्ने कसैमा पनि कोरोना भाइरस संक्रमण नपाइएता पनि सचेत भने हुनुपर्ने चिनियाँ अधिकारीहरुले बताएका छन् । हाल मासु आयात गरिएका सवारीसाधन निर्मलिकरण गर्ने तथा ति सवारीसाधनमा कार्यरत कर्मचारी मजदुरहरुको कोरोना परिक्षणको काम भइरहेको समेत बताइएको छ ।