दक्षिण कोरियाली उम्मेद्वार विरुद्ध जापानी प्रचार

सोल – जापान सरकारले दक्षिण कोरियाबाट विश्व ब्यापार संगठन प्रमुखका लागि दावेदार उम्मेद्वार यो म्युङ ही विरुद्ध प्रचारप्रसार सुरु गरेको छ । जापानको राष्ट्रिय स्वार्थलाई हेरेर योसिहिदे सुगा नेतृत्वको सरकारले उनी विरुद्ध प्रचार सुरु गरेको समाचारमा बताइएको छ ।

यो विरुद्ध जापानले प्रचारप्रसार गर्नुको कारण हालसम्म पनि नखुलेको बताउदै दक्षिण कोरियाली अधिकारीहरुले भने जापान कोरिया युद्धका बेला जापानले गिरफ्तार गरेका युद्ध बन्दीहरुलाई दिनुपर्ने क्षतिपुर्तिको बिषयलाई लिएर उक्त कदम उठाएको हुनसक्ने बताएका छन् । पछिल्लो पटक सुगा सरकारले बहुमुल्य बस्तुहरुको कोरिया निर्यात समेत रोकेको छ ।

श्रोतले जनाए अनुसार हाल जापानी परराष्ट्र मन्त्री एसियाली, युरोपेली तथा अमेरिकी प्रतिनिधिलाई कोरिया बिरुद्ध मतदान गर्नका लागि लविङ गरिरहेका छन् । कतिपय विकशील मुलुकहरुलाई जापानले आर्थिक तथा विकास सहयोगको प्रलोभन देखाई यो बिरुद्ध मतदान गर्न उक्साइरहेको श्रोतले बताएको छ ।

पछिल्लो पटक आइतबार मात्र जापान सरकारले विश्व ब्यापार संगठन प्रमुखका लागि नाइजेरियाका प्रतिस्पर्धी ओकोञ्जो इवेलालाई साथ दिने निर्णय गरेको थियो । बहुमतबाट भन्दा पनि विवेकद्वारा प्रमुखको छनौट गरिने भएका कारण हो त्रशीत नरहेको समाचारमा बताइएको छ ।

मंगलबारबाट सुरु हुने छनौट प्रकृया आगामी एक हप्तामा सकिने र आगामी हप्तासम्ममा विश्व ब्यापार संगठनले नयाँ प्रमुख पाउने अपेक्षा गरिएको छ ।