किम जोङ उन चिनियाँ सैनिकहरुको समाधिस्थलमा

सोल- उत्तर कोरियाली सर्वोच्च नेता किम जोङ उनले हालै सन् १९५०-५३ को कोरियाली युद्धका क्रममा उत्तर कोरियाका तर्फबाट लडेका दिवङ्गत सैनिकहरुको समाधिको भ्रमण गरेका छन् । उत्तर कोरिया-चीन सैन्य सहयोगको ७० औँ बार्षिकोत्सवका क्रममा किमले उक्त  समाधिमा भ्रमण गरेका हुन् ।

उत्तर कोरियाली नेता किमले २ बर्ष पहिले समेत उक्त चिहानको भ्रमण गरेका थिए । दक्षिणी प्योङ्यान प्रान्तको होइचाङमा रहेको चिनियाँ सैनिकहरुको समाधि स्थलमा भ्रमण गरि किमले कोरियाली युद्धमा चिनियाँ सैनिकले पुर्याएको योगदानको स्मरण गर्दै मृतकहरु प्रति श्रद्दाञ्जली समेत व्यक्त गरेका थिए ।

चिनियाँ राष्ट्रपति सि जिङ पिङले समेत कोरियाली युद्धमा चिनको सैन्य सहभागिताको ७० औँ बार्षिकोत्सवका अवसरमा आज विशेष सन्देश जारि गर्ने उत्तर कोरियाली सरकारी सञ्चार माध्यम केसिएनएले जनाएको छ । समाचार अनुसार यो सन्देश चिनियाँ सरकार प्रमुखद्वारा कोरियाली युद्धका बिषयमा २० बर्ष पछि दिइएको सन्देश हो ।

चीनले हरेक बर्ष अक्टोबर २५ लाई कोरियाली युद्धमा आफू सहभागी भएको बिजय दिवस मनाउदै आएको छ । सन् १९५० क‍ो सोही दिन चिनियाँ सैनिकले दक्षिण कोरियाली फौज विरुद्ध पहिलो पटक बिजय पाएको थियो ।