दक्षिण कोरियाले जापान र अमेरिकाको सैन्य अभ्यास अवलोकन गर्ने

सोल-जापानी तथा अमेरिकी सैनिकहरुले संयुक्त रुपमा आगामी अक्टोबर २६ बाट नोभेम्बर ५ सम्म “किन स्वर्ड” नाम दिइएको सैन्य अभ्यास गर्ने भएका छन् ।

जापान नजिकैको समुद्रमा उक्त अभ्यास गराइने भएको हो । भ्वाइस अफ अमेरिकाका अनुसार उक्त सैन्य अभ्यासमा दुबै देशका गरि कुल ४६ हजार सैनिकहरु सहभागी हुने छन् ।

यता दक्षिण कोरियामा भने सन् २०१८ बाट हुने भनिएको बृहत संयुक्त सैन्य अभ्यास हालसम्म हुन सकेको छैन । भएकाहरुमा पनि संख्या घटाइएको छ भने कतिपय समयमा मिति नै परिवर्तन गरिएको छ । जापान तथा अमेरिकाले भने शैनिक शक्ति सुदृढीकरणमा लागि परिरहेका छन् ।

हाल संयुक्त राज्य अमेरिकाले चीनलाई चौतर्फि घेरा हाल्ने रणनिति अनुरुप सैन्य अभ्यास कार्यक्रमलाइृ तीब्रता दिएको कोरियाली जानकारहरु बताउदछन् ।

यता दक्षिण कोरियाली राष्ट्रपति मुन जाई इनले कोरियाली युद्धको औपचारिक अन्त्यको घोषणा गर्दै अमेरिकी सेनालाई स्वदेश फर्काउने बारे दिएको अभिब्यक्तिका कारण अमेरिकाले संयुक्त सैन्य तालिमलाई प्राथमिकतामा नराखेको हुन सक्ने बताएका छन् ।

अमेरिकी रिपव्लिक कंग्रेसका एक विधायकले समेत दुबै देशले युद्ध अन्त्य भएको घोषणा गरेमा उत्तर कोरियालाई निशश्त्रीकरण गर्न सहयोग गर्ने तथा उत्तर कोरियाले अन्य देशहरुलाई दिँदै आएको धम्कीको शीलशीला समेत बन्द हुने बताएका छन् ।

यसबाट दुबै कोरिया बीचको मनमुटाव घट्ने देखी लिएर अमेरिकी फौज घर फर्कने समेत भएका कारण अमेरिकाले दक्षिण कोरियासँग संयुक्त सैन्य अभ्यासमा चासो नदिएको उनले भ्वाइस अफ अमेरिकासँगको अन्तरवार्तामा बताएका छन् ।