किमले गरे ट्रम्पको स्वास्थ्यलाभको कामना

सोल – उत्तर कोरियाली सर्बोच्च नेता किम जोङ उनले अमेरिकी राष्ट्रपति डोनाल्ड ट्रम्पलाई एक पत्र लेख्दै स्वास्थ्य लाभको कामना गरेका छन् । उनले शनिवार एक पत्र पठाई ट्रम्प दम्पत्तिलाई कोरोना संक्रमणबाट चाँडै मुक्त हुन शुभेक्षा प्रकट गरेका छन् ।

अमेरिकी राष्ट्रपति ट्रम्पले आफू तथा आफ्नी पत्निलाई कोरोना संक्रमण भएको ट्वीट गरेको भोलिपल्ट नै पत्र मार्फत शुभकामना पठाएका हुन् । किमले अप्रत्यासित समाचार सुन्नु परेको बताउदै शिघ्र स्वास्थ्यलाभको कामना गरेको केसिएनएले जनाएको छ ।

आफ्नो न्यानो अभिवादन सहितको उक्त पत्रमा उनले ट्रम्प तथा प्रथम महिला मेलियाना ट्रम्प प्रति साहानुभुति प्रकट गर्दै ट्रम्प दम्पत्तिले कोरोना भाइरस विरुद्धको लडाईमा बिजय प्राप्त गर्ने विश्वास समेत लिएका छन् ।

यो पत्र उत्तर कोरियाली सर्वोच्च नेता किम जोङ उनले कोरोना भाइरसबाट संक्रमित विदेशी सहकर्मीलाई लेखेको पहिलो साहानुभुति पत्र समेत रहेको केसिएनएको सहयोगमा योन्हाप समाचार संस्थाले बताएको छ ।