दक्षिण कोरियाको औद्योगिक उत्पादनमा गिरावट

सोल- दक्षिण कोरियाको औद्योगिक उत्पादनमा तीन महिना यताकै बढी ह्रास आएको छ । कोरोना भाइरसका कारण उत्पादनमा ह्रास आएता पनि खपतमा भने बृद्धि भएक‍ो एक अध्ययनले बताएको छ ।

कोरियाली तथ्याङ्क विभागले सार्वजनिक गरेको तथ्याङ्क अनुसार गत जुलाई महिनामा देश भर औसन रुपमख ०.१ प्रतिशतले बृद्धि भएको औद्योगिक उत्पादन अगष्ट महिनामा ०.९ प्रतिशतले घटेको छ । यो दर गत बर्षको सोही महिनाको तुलनामा ३.४ प्रतिशतले कम हो ।

उत्पादनमा गिरावट आएता पनि खपतमा भने बृद्धी भएको तथ्याङ्क विभागले जनाएको छ । गत बर्षको सोही महिनाको तुलनामा यस बर्ष ३ प्रतिशतले खपतमा बृद्धी भएको छ ।

एसियाकै चौथो ठूलो अर्थतन्त्र समेत रहेको दक्षिण कोरियाको अर्थतन्त्र गत अप्रिल जुन महिनामा ३ प्रतिशतले खुम्चिएको समेत दक्षिण कोरियाली तथ्याङ्क विभागले जनाएको छ ।