जापानकी तानाका बनिन् संसारकै बढी बाँच्ने ब्यक्ति

फुकुओका- जापानकी काने तानाका बिश्वकै बढी बाँच्ने महिला बनेकी छन् । गिनिज बुक अफ वर्ल्ड रेकर्डले ११७ बर्ष २६१ दिन उमेर भएकी उनलाई संसारकै बढी बाँच्ने ब्यक्तिको उपाधी दिएको हो ।

जापानको स्वास्थ्य तथा जनकल्याण मन्त्रालयका अनुसार यस अघिको विश्व किर्तिमान कागोसिमा शहरकी नाबी ताजिमाको रहेको थियो । उनको मृत्यु गत सन् २०१८ को अप्रिलमा भएको थियो ।

सन् १९०३ को जनावरीमा जन्मिएकी तानाकाले सन् २०१९ को मार्चमा नै उक्त अवार्ड प्राप्त गरेकि थिइन् । परिवारको सातौँ सन्तानका रुपमा जन्मिएकी उनले हालसम्मका सबै रेकर्डहरु तोडेपछि आफ्नो फोटो प्रिन्ट गरिएको टिसर्ट लगाएर उनको मन पर्ने पेय पदार्थ कोक पिएर खुसियाली मनाएकी छन् ।

तानाकाका ६० बर्षीय नाती इजीले विश्वव्यापी महामारी कोरोना भाइरसको संक्रमणका बाबजुत उनकी हजुरामा हाँसीखुसी तथा स्वस्थ अवस्थामा रहेकी छन् ।