उत्तर कोरियामा थोरै परिमाणमा मात्र आणविक हतियार रहेको अमेरिकी दावी

सोल – उत्तर कोरियासँग सिमित परिमाणमा मात्र आणविक हतियार रहेको अमेरिकी सुरक्षा अधिकारीले बताएका छन् । अमेरिकी बायुसेनाका जेनरल जोन हाइटनले उत्तरसँग भएका आणविक हतियार बारे विशेष तथ्याङ्क आफूसँग रहेको उनले बताएका छन् ।

उनले उत्तर कोरियासँग सानो परिमाणमा नै हतियार भएता पनि ठूलो क्षति गर्नसक्ने प्रकृतिका हतियार भएकाले सचेत भने हुन पर्ने बताएका छन् । उनले अमेरिकी सैन्य अधिकारीसँगको भर्च्युअल कुराकानीमा हाल उत्तर कोरिउासँग ७० बढी आणविक हतियार रहेको जानकारी समेत दिएका छन् ।

अमेरिकी सेनाद्वारा पछिल्लो पटक सार्बजनिक गरिएको रिपोर्ट अनुसार उत्तर कोरियासँग २५०० टन देखि ५००० टनसम्म आणविक हतियार रहेका छन् । उत्तर कोरियाले सन् २००७ बाट २०१७ सम्ममा ६ वटा आणविक हतियार परिक्षण गरेको समेत हाइटनले बताएका छन् ।

सानो परिमाणमा त्यस्ता हतियार भएपनि धेरै घातक हुने भएका कारण हाल अमेरिका उत्तर कोरियामाथि निगारानी बढाउन सक्रिय रहेको उनले बताएका छन् ।

हाल प्रतिरक्षाका लागि अमेरिकी सेनाले बी -२१ र बी -५२ बम बर्षक बिमानलाई बी -२ बम बर्षक बिमानले बिस्थापित गरिएको तथा ओहियो श्रेणीका पन्डुबी जहाजलाई कोलम्बिया श्रेणीका पनडुबी जहाजले बिस्थापित गरिएको छ जसले पानीमुनीबाट आणविक हतियार प्राहार गर्न सक्छन् ।