दक्षिण कोरियामा कोरोना माहामारीका बावजुत कृषिजन्य बस्तुको निर्यातमा बृद्धी

सोल – कोरोना संक्रमणका कारण सिङ्गो अर्थ व्यवस्थामा प्रत्यक्ष असर परिरहेका बेला दक्षिण कोरियाको कृषि क्षेत्रमा भने सकारात्मक सुधार देखिएको छ । महामारीकै बीच पनि दक्षिण कोरियाको कृषि जन्य पदार्थको निर्यातमा बृद्धी भएको छ ।

दक्षिण कोरियाको कृषि, खाद्य तथा ग्रामीण मन्त्रालयका अनुसार यस बर्षको जनावरी बाट अगष्ट महिनासम्म आइपुग्दा गत बर्षको सोही अवधिको तुलनामा कृषिजन्य पदार्थको निर्यातमा ४.९ प्रतिषतले बृद्धी भएको छ । सो अवधिमा दक्षिण कोरियाबाट करिव ४.८५ बिलियन डलर बराबरको कृषिजन्य पदार्थको निर्यात भएको छ ।

सरकारी तथ्याङ्क अनुसार कोरोना संक्रमणका कारण देशको कुल निर्यातमा १०.१ प्रतिशतले घटेको छ । यता किम्चीको निर्यातमा भने ब्यापक प्रगति भएको छ । विगतको तुलनामा किम्ची निर्यातमा ४०.३ प्रतिशतले बृद्धी भएको छ ।

मन्त्रालयका अनुसार पछिल्लो समयमा संक्रमण तीब्र गतिमा फैलिदै जाँदा मानिसहरु खाद्य सुरक्षामा ध्यान दिन थालेको तथा स्वस्थ खानपानमा ध्यान दिने गरेका कारण कृषिजन्य पदार्थको निर्यात बढेको हो ।

दक्षिण कोरियामा निर्माण भएका तयारी नुडल्सको निर्यातमा समेत ब्यापक बृद्धी भएको छ । गत बर्षको तुलनामा यसको निर्यातमा ३६ प्रतिशत भन्दा बढीको फरक पाइएको छ ।

दक्षिण कोरियाको कृषिजन्य पदार्थको निर्यात बढ्नुमा युट्युवरहरुको समेत महत्वपूर्ण हात रहेको समेत मन्त्रालयले बताएको छ ।