उत्तर कोरियामा ब्यापक सैन्य शक्ति प्रदर्शनको तयारी

सोल – उत्तर कोरियाले विश्वव्यापी महामारी कोरोना संक्रमणको बेवास्ता गर्दै ठूलो सैन्य प्रदर्शनको तयारी थालेको छ ।

सत्तारुढ वर्कर्स पार्टीको स्थापनाको ७५ औँ बार्षिकोत्सवको अवसरमा उक्त प्रदर्शन तयारी गरिएको उत्तर कोरिया केन्द्रित अमेरिकी वेवसाइटले जनाएको छ ।

पछिल्लो पटक अगष्ट ३१ मा संकलन गरिएका तस्विरहरुमा राजधानी प्योङयाङ स्थित मिरिम आर्टफिल्डमा ब्यापक सैन्य प्रदर्शन तयारी गरिएको पाइएको हो ।

अक्टोबर १० तारिखमा हुने उक्त कार्यक्रमका लागि किम २ सङ स्क्वायर क्षेत्रमा सैयौँको संख्यामा सैन्य सवारीसाधन तथा लामबद्ध सैनिकहरुका परेड टोली स्पष्ट देख्न सकिने तस्विरहरु पाइएको उक्त वेवसाइटले बताएको छ ।

बिगतका बर्षहरु भन्दा केही ढीला गरि सुरु गरिएको उक्त सैन्य अभ्यास पहिले जस्तै भब्य रुपमा सञ्चालन गरिन सकिने देखिएको छ । कोरोना संक्रमण तथा पछिल्लो पटक बाढी तथा सामुद्री आँधीका कारण उक्त अभ्यास केही ढीला सुरु गरिएको जानकारहरु बताउछन् ।

समाचार अनुसार उत्तर कोरियाले हरेक सैन्य परेडका बेला आफ्ना शक्तिशाली हतियार प्रदर्शन गर्ने गर्दछ ।

यस बर्ष पनि सोही कार्यको निरन्तरता हुन सक्ने अनुमान गरिएको छ ।

किम जोङ उन सहितका अन्य विषिष्ट अधिकारिको उपस्थिति रहने उक्त कार्यक्रमको सुरक्षाका लागि १०० भन्दा बढी सुरक्षा पोष्ट खडा गरिएको समेत अधिकारीहरुले बताएका छन् ।