दक्षिण कोरियामा अर्को हप्ता फेरी शक्तिशाली सामुद्रिक आँधी आउने

सोल – दक्षिण कोरियामा आगामी हप्ता पुन: अर्को शक्तिशाली समुद्री आँधी ‘मेइसक’ आउने त्यहाँको जल तथा मौसम विज्ञान विभागले जनाएको छ ।

प्रशान्त महासागरको फिलिपिन्स पूर्वबाट सुरु भएको आँधी आगामी हप्ता दक्षिण कोरिया आइपुग्ने मौसम विभागले जनाएको हो ।

दक्षिण कोरियाबाट ९७० किलोमिटर उत्तर पूर्वबाट सुरु भएको आँधी हाल समुद्री क्षेत्रमा ३ किमी प्रति घण्टा तथा ८३ किमी प्रति घण्टा वायु वेग सहित अगाडी बढीरहेको विभागले जनाएको छ ।

उक्त आँधीले दिशा नबदलेमा थेगु क्षेत्रमा बाढी पहिरो जान सक्ने विभागले जनाएको छ ।

विभागले दिएको जानकारी अनुसार उक्त आँधी आउदो मंगलवार सम्ममा दक्षिण कोरियाबाट करिव २९० किमी टाढा रहेको जापानको ओकिनावा क्षेत्रमा आइपुग्ने तथा छेजु क्षेत्रमा बुधबार र बुसान क्षेत्रमा बिहिबार बिहानसम्ममा आइपुग्ने छ ।

दक्षिण कोरियाली क्षेत्र तर्फ आउदै गर्दा आँधी थप शक्तिशाली बन्दै जाने बताउदै विभागले देशका उत्तरी छल्ला, दक्षिणी छल्ला तथा थेगु क्षेत्रमा भारी बर्षा हुन सक्ने समेत बताएको छ ।

विभागले उक्त समुद्री आँधी दक्षिण कोरियामा यस बर्ष आएको नवौँ रहेको बताउदै बाढी, पहिरो, सडक अबरुद्ध, हवाई तथा रेल सेवा समेत अबरुद्ध हुन सक्ने भन्दै सम्बन्धित सबै पक्षलाई सतर्क रहन समेत आह्वान गरेको छ ।