अमेरिकी राष्ट्रपति डोनाल्ड ट्रम्पका भाइ रोबर्टको निधन

काठमाडौं – अमेरिकी राष्ट्रपति डोनाल्ड ट्रम्पको कान्छो भाइको निधन भएको छ । ट्रम्पका ७१ वर्षीय भाइ रोबर्ट ट्रम्पको शनिबार राति न्युर्योकस्थित एक अस्पतालमा निधन भएको हो ।
राष्ट्रपति ट्रम्पले एक शोक वक्तब्य जारी गर्दै भनेका छन्, “गहुँगो मुटु मेरो भाई गए राति बितेको जानकारी साझा गर्नुपरेको छ ।” रोबर्ट ट्रम्पको मृत्युको कारण भने स्पष्ट भइसकेको छैन् । राष्ट्रपति ट्रम्पले शुक्रबार नै भाइ भर्ना भएको न्युर्योकस्थित अस्पताल पुगेका थिए । अमेरिकी सञ्चारमाध्यमहरुले भने रोबर्ट ट्रम्प गम्भिर बिरामी परेको उल्लेख गर्दै आएको थियो ।
राष्ट्रपति ट्रम्पले भनेका छन्, “ऊ मेरो भाइ मात्रै नभएर अत्यन्तै घनिष्ट मित्र पनि थिए, उसको स्मरण सधैं मेरो मुटुले गरिरहनेछ ।” फ्रेड र मैरी एनी ट्रम्पको पाँच सन्तानमध्ये रोबर्ट सबैभन्दा कान्छा थिए । डोनाल्ड ट्रम्प जन्मेको दुई वर्षपछि रोबर्टको जन्म भएको थियो । फ्रेड र मैरीको सबैभन्दा जेठोको सन् १९८१ मा नै निधन भएको थियो ।