महिन्दा राजापाक्षे श्रीलंकामा चौथोपटक प्रधानमन्त्री

काठमाण्डौ – महिन्दा राजापाक्षे श्रीलंकामा चौथो पटक प्रधानमन्त्री बनेका छन् ।
हालै भएको चुनावमा उहाँको दल श्रीलंका पिपुल्स पार्टीले दुईतिहाइ मत पाएपछि ७४ वर्षका राजापाक्षेले चौथो पटक प्रधानमन्त्रीका रुपमा शपथ लिएका हुन् ।

श्रीलंकाको कोलम्बोको केलानियामा रहेको बौद्ध मन्दिर ‘राजमहा बिहार’मा शपथग्रहण कार्यक्रम गरिएको थियो ।

उनलाई श्रीलंकाका राष्ट्रपतिसमेत रहेका भाइ गाटाभया राजापाक्षेले शपथग्रहण गराएका हुन् ।

शपथग्रहणपछि दाजुभाइ राष्ट्रपति र प्रधानमन्त्रीले बिहारमा प्रार्थना समेत गरेको बीबीसीले जनाएको छ ।