दक्षिण कोरियाको बिरुद्दमा बोले ट्रम्प

वासिंगटन डिसी- अमेरिकी राष्ट्रपति डोनाल्ड ट्रम्पले गभर्नरहरूलाई दक्षिण कोरियाली राष्ट्रपति मून जाइ-इनसँग व्यवहार गर्न मन नपर्ने र दक्षिण कोरियालीहरु “भयानक” लाग्ने बताएको ल्यारी होगनले भने।

होगनका अनुसार ट्रम्पले रिपब्लिकन गभर्नर एसोसिएसनद्वारा प्रायोजित डिनरमा आफ्नो पत्नी युमीको जन्मस्थल दक्षिण कोरियालाई
कठोर शब्दहरू प्रयोग गरेका थिए ।

ट्रम्पले चीनका राष्ट्रपति शी जिनपिंगलाई धेरै सम्मान गर्ने,जापानका प्रधानमन्त्री आबेसँगै गोल्फ खेल्न रुचाउने र कोरियाका तानाशाह किम जोंग उनसँग धेरै मिल्ने बताएको होगनले बताए ।

त्यसपछि ट्रम्पले दक्षिण कोरियाका राष्ट्रपति मुनसँग व्यवहार गर्न मन नपर्ने भनेका थिए ।

उनले दक्षिण कोरियालीहरु “भयानक” लाग्ने पनि बताए । उनले भने,”अमेरिकाले किन दक्षिण कोरियालाई यतिका वर्ष संरक्षण गरिरहेको छ मैले त्यो आहिले सम्म बुझ्न सकेको छैन । दक्षिण कोरियाले अमेरिकालाई पैसा त तिर्दैन । “