कोरियाको समुद्री तटमा मास्क नलगाए २५ सय अमेरिकी डलर जरिवाना

सोल-दक्षिण कोरियाका स्वास्थ्य अधिकारीहरुका अनुसार त्यहाका सामुद्री पर्यटकीय गन्तव्यमा जुलाई २५ बाट मास्कको प्रयोग अनिवार्य गरिने भएको छ ।

स्वास्थ्य विभागले मास्क प्रयोग सम्बन्धी नयाँ नियम बनाउदै यदि ति क्षेत्रमा भ्रमण गर्ने मानिसहरुले मास्कको प्रयोग नगरेको पाइएमा २५०० अमेरिकी डलर जरिमाना गरिने बताएको छ ।

प्रमुख पर्यटकीय गन्तव्य बुसान, हेउन्दे , सन्जियोङ, ग्वानगल्ली, दादाइपो तथा सोङ्दो लगायतका क्षेत्रमा रहेका सामुद्रि किनारा भ्रमण गर्ने स्वदेशी तथा विदेशी नागरिकहरुमा मास्कको प्रयोग अनिवार्य गरिएको छ । यसका अलावा ति सामुद्री किनारामा खान पनि प्रतिवन्ध लगाइएको छ ।

कोरोना संक्रमणका कारण अस्तव्यस्त बनेको पर्यटकीय क्षेत्रलाई पुर्ण स्वास्थ्य व्यवस्थापनका साथ पुनः सुचारु गर्ने लक्षका साथ दक्षिण कोरियाली सरकारले उच्च सुरक्षा सावधानी अपनाएर ति क्षेत्रहरु खोल्ने रणनिति लिएको छ ।

उल्लेखित क्षेत्रहरुमा बर्षेनी लाखौको संख्यामा विदेशी तथा स्वदेशी नागरिकहरुले भ्रमण गर्दछन् ।

यि स्थानमा लगाईएको नयाँ स्वास्थ्य निर्देशीका आउनु अगाडी नै छेजु आइल्याण्डले आफ्नै सुरक्षा निर्देशिका लागु गरिसकेको थियो । हाल तय गरिएका स्वास्थ्य निर्देशिका ससाना सामुद्री किनाराहरुमा भने लागु गरिएको छैन ।