कोरोना त्रास -सोलका मेयरको अन्त्येष्टी सभा अनलाइनबाटै

सोल-दुई दिनअघि कृत अवस्थामा भेटिएका दक्षिण कोरियाको राजधानी सोलका मेयर पार्क सुनको अन्त्येष्टी कार्यक्रम अनलाइन मार्फत गरिने भएको छ ।

कोरोना संक्रमणको त्रासका कारण उनको अन्त्येष्टी कार्यक्रम अनलाइन मार्फत गरिने भएको हो । सो सूचना उनको श्रद्दाञ्जली सभा आयोजकले आइतवार सार्वजनिक गरेको हो ।

हाल मेयर पार्कको दिवङ्गत शारीर श्रद्दाञ्जली अर्पणका लागि सोल राष्ट्रिय विश्वविद्यालय अस्पतालमा राखिएको छ ।

सोमवार उक्त स्थानबाट उनको मृत शरिर स्थानीय सिटी हलमा लगिने छ र बिहान ०८:३० बजे बाट श्रद्दाञ्जलीका लागि खुल्ला गरिने छ ।

श्रद्दाञ्जली सभा आयोजकका अनुसार एक पटकमा १०० जनालाई अनलाइन मार्फत श्रद्दाञ्जली व्यक्त गर्न सहभागी गराइने छ । पहिलो चरणमा उच्च पदस्त राजनितिक अधिकारी तथा परिवारका सदस्यहरुलाई श्रद्दाञ्जली सभामा सहभागी गराइने छ ।

उनको श्रद्दाञ्जली सभाको प्रत्यक्ष प्रशारण स्थानीय युट्युव च्यानल, रेडियो स्टेशन तथा टेलिभिजनबाट गरिने छ ।

हाल सम्म ११४८६ जनाले प्रत्यक्ष रुपमा श्रद्दाञ्जली दिएको तथा ६४०००० जनाले इन्टरनेटको माध्यमबाट श्रद्दाञ्नली दिएको व्यवस्थापकले जनाएका छन् ।

प्रत्यक्ष रुपमा श्रद्दाञ्जली व्यक्त गर्नेहरुको तापक्रम परिक्षण गरि निश्चित दुरी कायम गराइएको थियो भने सहभागीहरुलाई मास्क अनिवार्य गराइएको थियो ।

पार्क सोलमा तीन कार्यकाल मेयरको रुपमा निर्वाचित भएका थिए भने राष्ट्रपतिय चुनावका प्रत्यासीको रुपमा पनि उनलाई हेरिन्थ्यो ।