भारत-चीन द्वन्द प्रभाव, भारतले बन्द गरायो टिकटक सहित ५९ चिनियाँ एप्स

काठमाडौं-लद्धाख सिमा क्षेत्रमा गएको जुन १५ मा भारतीय तथा चिनीया सैनिक वीच भएको भीणन्तमा २० जना भारतीय सैनिकको मृत्यु तथा ७४ सैनिक घाइते भए यता भारतमा चीन गतिविधि चुलिदै गएका छन् ।

विवादकै कारण पछिल्लो पटक भारत सरकारले सर्वाधिक प्रयोगकर्ता रहेको चिनियाँ एप टिकटक सहित अन्य ५९ चिनियाँ एप्सहरुमा प्रतिवन्ध लगाएको छ ।

भारतीय खुफिया एजेन्सीका अनुसार चीनले भारतीय जनताका व्यक्तिगत विवरण चोरि गर्ने तथा कम्युनिटी गाइडलाइन्स उल्लङ्घन गरेको पाइएका कारण ति एप्सहरु बन्द गरिएको जनाएको छ ।

भारत सरकारले आफ्नो आधिकारिक टिकटक अकाउन्ट MyGov समेत बन्द गराएको छ जसमा १.१ मिलियन भन्दा बढी फलोवर्स थिए ।

भारतीय प्रधानमन्त्री नरेन्द्र मोदीले चीनलाई गतिलो जवाफ दिने बताए लगत्तै सरकारले ती सामाजिक एप्सहरु बन्द गराएको हो ।

हाल लद्धाख भिडन्त पश्चात भारतमा चिनिया सामाग्री बहिस्कार आन्दोलन चलिरहेको छ भने पछिल्लो पटक प्रधानमन्त्री मोदिले ‘ आत्मनिर्भर भारत’ अभियान समेत सुरु गरेका छन् ।

भारतीय साइवर व्युरोले चिनिया एप्सको प्रयोगले नागरिकको व्यक्तिगत विवरणको गलत प्रयोग हुन सक्ने बताउदै बन्द गर्न सरकारको ध्यानाकर्षण गराएको थियो । सरकारले पनि स्थानीय तथा स्वदेशी बस्तु तथा प्रविधिको प्रयोगमा जोड दिए पश्चात ति एप्स बन्द गरिएको भारतीय सुचना तथा प्रविधि मन्त्रालयले जनाएको छ ।

मन्त्रालयको निर्देशन पश्चात भारतमा ब्याण्ड गरिएका सामाजिक सञ्जाल लगायतका चिनिया एप्सहरुको सुची: