लद्धाख भिडन्तपछि भारतीय रणनीति – सुविधायुक्त बाटो

काठमाडौं-चीनको मोल्दो क्षेत्रको चुसुलमा भईरहेको भरत र चीन दुवै देशका उच्च सैनिक अधिकारीहरुको वार्ता सकारात्मक रुपमा अगाडी बढीरहेका बेला भारत सरकारले भने लद्धाख पुग्ने बाटोलाई अझ बढी सुविधा युक्त तरिकाले विकास गर्ने योजना अगाडी बढाएको छ ।

भारतका सिमा व्यवस्थापन विभागका सचिव सञ्जिभा कुमारले गल्यान हुदै लद्धाख जाने बाटोको सुदृढीकरण गर्न तथा लद्धाखलाई विकसित बनाउनु भारत सरकारको प्राथमिकतामा रहेको बताए।

उनले एलएसीको बारेमा रहेको अध्ययनलाई पुन अध्ययन गर्दै उक्त क्षेत्रको विकास नै उक्त क्षेत्रको सुरक्षा रहेको समेत स्पष्ट पारेका छन् ।

लद्धाखस्थित गल्याङ उपत्यकामा गएको हप्ता भारतीय तथा चिनिया सैनिकहरु बिच भएको मुठभेडमा २० भारतीय सैनिकहरुको मृत्यु भएको थियो भने ७६ जना घाइते भएका थिए ।

भारतीय सैन्य श्रोतले कम्तिमा ४५ जना चिनिया सैनिक मारिएको दावी समेत गर्दै आएको छ ।

सैनिक अधिकारीले दिएको जानकारी अनुसार उक्त घटनामा घाइते भएका भारतीय सैनिकहरु खतरा मुक्त रहेको तथा उनिहरु यसै साताबाट आफ्नो नियमित काममा फर्कने छन् ।

घाइते मध्ये कसैमा पनि गम्भिर प्रकृतिको चोटपटक लागेको छैन ।

उक्त घटना पश्चात विज्ञहरुले समेत भारतले लद्धाख क्षेत्रमा सडक तथा हवाई सञ्जाल विस्तार गर्नुपर्ने बताएका छन् । भौतिक रुपमा सवल भएमा मात्र चीनिया सैन्य बल सँग जुध्न आफूहरु सक्षम हुने उनीहरुले बताएका छन् ।

सरकारले चीनसँगको सिमा क्षेत्रमा भइरहेका सडक निर्माण सँग सम्बन्धित गतिविधिहरु अत्यन्त सुस्त भएको बताउदै विज्ञहरुले कम्तिमा हाल भईरहेको निर्माण प्रगतिलाई दुई गुणा बढी गतिमा लैजानु पर्नेमा समेत जोड दिएका छन् ।

यस बर्ष भारत सरकारले चीनसँगको सिमा क्षेत्रमा रहेका सडक निर्माणका लागि ११,८०० करोड भारतीय रुपैयाको बजेट छुट्याएको छ ।