चीनसंगको सन्धी लत्याउन्दै भारतीय सेनाले सीमामा विष्फोटक हतियार प्रयोग गर्न पाउने नियम बनायो

काठमाडौं-भारतीय सैनिकले चीनसँगको सिमा क्षेत्र -‘लाइन अफ एक्चुअल कन्ट्रोल’ एलएसीमा तैनाथ भारतीय सैनिकहरुको हतियार प्रयोग सम्बन्धित नियममा परिमार्जन गरेको छ ।

हालै प्रधानमन्त्री नरेन्द्र मोदीले भारतीय सैनिकलाई देशको सार्वभौमसत्ता रक्षा गर्नका लागि जुनसुकै तरिका अपनाउन निर्देशन दिए लगत्तै सेनाले हतियार प्रयोग समबन्धी नियम परिवर्तन गरेको हो ।

परिवर्तित नियम अनुसार अब भारतीय सैनिकले सिमा क्षेत्रमा विशेष तथा जटिल परिस्थिति सृजना भएमा फायर आर्म्स अर्थात विष्फोटक हतियार प्रयोग गर्न पाउने छन् । भारतीय सैनिकको उक्त नियम परिवर्तन मोदी सरकारले सिमा रक्षाका लागि दिएको पुर्ण स्वतन्त्रता पश्चात आएको हो ।

यस अघि सन् १९९६ तथा २००५ मा गरिएका सन्धिहरुमा एलएसीमा दुबै तर्फका सैनिकहरुले कुनै प्रकारका हतियारद्वारा फायरिङ नगर्ने उल्लेख गरिएको छ । सन्धिमा सिमा क्षेत्र भन्दा २ किमि वरपरको क्षेत्रमा कुन‌ै पनि किसिमको विष्फोटक पदार्थको विष्फोटन गराउन नपाइने समेत उल्लेख गरिएको छ ।

भारतीय सैनिकले सिमा क्षेत्रमा आफ्नो फौजले नराम्रो क्षति वेहोरे पश्चात दशकौँ पुरानो सन्धिलाई एकतर्फी रुपमा परिमार्जन गरेको हो । लदाख स्थित गल्याङ उपत्यकामा गएको हप्ता भारतीय तथा चिनिया सैनिकहरु बिच भएको मुठभेडमा २० भारतीय सैनिकहरुको मृत्यु भएको थियो भने ७६ जना घाइते भएका थिए ।

सैनिक अधिकारीले दिएको जानकारी अनुसार उक्त घटनामा घाइते भएका भारतीय सैनिकहरु खतरा मुक्त रहेको तथा उनिहरु यसै साताबाट आफ्नो नियमित काममा फर्कने छन् । घाइते मध्ये कसैमा पनि गम्भिर प्रकृतिको चोटपटक लागेको छैन ।