मोदीको सम्बोधनलाई जबर्जस्त विवादमा ल्याइयो

नयाँ दिल्ली – लद्धाख क्षेत्रमा भइरहेका गतिविधिहरुलाई लिएर शुक्रवार आयोजित सर्वदलीय बैठकमा बोलेका भारतीय प्रधानमन्त्री नरेन्द्र मोदीको भनाई विवादमा आए पश्चात सरकारले उक्त विषयमा आफ्नो भनाई सार्वजनिक गरेको छ ।

सरकारले मोदीको भनाईको आशयमा नगई सतही विश्लेषण गरेर जवरजस्ती विवादमा ल्याईएको बताएको छ ।

सरकारले भारतीय प्रधानमन्त्री मोदीले लद्धाख क्षेत्रमा भएको घटनाबारे पूर्ण जानकारी गराए पनि भारतीय कांग्रेसले अनावश्यक बखेडा झिकेको बताएको छ ।

लल्द्धाख क्षेत्रमा २० जना भारतीय सैनिकहरुको ज्यान जाने गरि १५ जुनमा भिडन्त भएको र उक्त घटना चीन लाईन अफ एक्चुअल कन्ट्रोलबाट हट्न नमानेपछि भएको भनि प्रधानमन्त्रीले स्पष्ट भनेता पनि कांग्रेसले अतिरञ्जित बनाएको सरकारले बताएको छ ।

यता भारतीय कांग्रेसले भने सरकारले उक्त क्षेत्रमा भएको घटनालाई लुकाउन प्रयास गरेको तथा सर्वदलीय बैठकमा विस्तृत जानकारी नदिएको आरोप लगाएको छ ।

बैठकमा बोल्दै भारतीय कांग्रेसकी अध्यक्ष सोनीया गान्धीले सरकार सामु विभिन्न प्रश्नहरुको चाङ लगाएकी थिइन् । सरकारले भने आफूले कुनै पनि जानकारी नलुकाएको तथा हाल उक्त क्षेत्र नियन्त्रणमा रहेको समेत स्पष्ट पारेको छ ।