चीनले झडपका क्रममा पक्राउ परेका १० भारतीय सैनिक रिहा गर्‍यो

एजेन्सी – भारतीय र चिनियाँ सैनिकबीचको लद्दाखको गलवान उपत्यकामा हिंसात्मक भीडन्तका क्रममा पक्राउ परेका १० भारतीय सैनिकलाई चीनले रिहा गरेको छ।

सैनिक स्रोतलाई उद्दृत गर्दै हिन्दु अखबारले जनाए अनुसार रिहा हुनेमा लेफ्टिनेन्ट कर्णेल र तीन मेजर छन्। बिबिसीका अनुसार चिनियाँ पक्षबाट भारतीय सैनिक पक्राउको विषयमा भने भारतीय सरकारले पुष्टि गरेको छैन।

यसैसाताको गलवान उपत्यकामा सुरुमा दुई देशका सैनिकबीच भएको हिंसात्मक झडपमा २० भारतीय सैनिकको मृत्यु भएको थियो। चीनले भने उक्त घटनामा भएको क्षतिका बारेमा अझै औपचारिक रुपमा केही बोलेको छैन।

झडपमा भारतका ७६ सैनिक घाइते भएको पनि बताइएको छ।

यो घटनामा हुनुमा दुवै पक्षले एक अर्कालाई आरोप लगाउँदै आएका छन्।