चीन-भारत सैन्य अधिकारीहरु विचको वार्ता निष्कर्षबिहिन

काठमाडौं-भारत चीन सैन्य विवादका कारण २० जना भारतीय सैनिकको ज्यान गए पश्चात भारत चीन सैन्य अधिकारीहरु विच भएको वार्ता निष्कर्षबिहिन भएको छ ।

लद्धाखस्थित सिमा क्षेत्रमा भएको विवाद मथ्थर बनाउने प्रयास स्वरुप दुबै देशका सैन्य अधिकारीहरुको बैठक बसेको थियो । वार्ता गल्यान क्षेत्रमा भएको समाचारमा बताइएको छ ।

हालसम्म पनि चिनियाँ पक्ष उक्त क्षेत्र खाली गर्न सहमत नहुदा वार्ता सहमतिमा नपुगेको भारतीय पक्षले बताएको छ ।

भारतीय पक्षका अनुसार चीन सिङ्गो गल्यान उपत्यका नै आफ्नो भन्ने अडान लिएर बसेको छ जुन भारतीय पक्षलाई स्विकार्य नभएको भारतीय अधिकारीले बताएका छन् । भारतीय अधिकारीहरुका अनुसार सन् १९६२ बाट नै चिनिया पक्षले उक्त क्षेत्रमा आफ्नो दावा कायम गर्दै गस्ति गरिरहेका छन् ।

सोही मुद्दाका कारण हालको परिस्थिति सार्वजनिक भएको, दुबै पक्षका सैनिकहरु हताहत भएको तथा सौहार्द्र वातावरण समेत विग्रिएका काररण दुबै देशका मेजर जेनरलस्तरिय वार्ता गरिएको थियो।

बुधवारको उक्त वार्ता विना निश्कर्ष सकिए पश्चात भारत आफ्नो आधिकारीक धारणा बनाउने तयारीमा छ । यस अघि यहि महिनाको जुन ६ तारिकमा लेफ्टिनेन्ट जेनरल स्तरीय वार्ता भएको थियो र सो वार्ता पनि निष्कर्षविहिन सम्पन्न भएको थियो ।