क्यानडेली प्रधानमन्त्रीले घुडा टेक्दै भने- ‘ब्ल्याक लाइफ म्याटर्स’

न्यूयोर्क-संयुक्त राज्य अमेरिकामा प्रहरीले नियन्त्रणमा लिने क्रममा एक अश्वेत नागरिक जर्ज फ्लायोडको हत्या गरे पश्चात आन्दोलन चर्किएको छ ।

विश्वकै ठूलो प्रजातान्त्रिक मुलुक भनिएको देशमा अझै सकृय रंगभेद व्याप्त रहेको तथा अश्वेत वर्गमाथिको अत्याचार अझै व्याप्त रहेको भन्दै अमेरिकामा ठूला ठूला प्रदर्शनहरु भइरहेका छन् ।

क्यानडामा पनि फ्लायोड हत्याको विरुद्धमा अश्वेत आन्दोलन चलिरहेको छ । पछिल्लो पटक क्यानडाका प्रधानमन्त्री जस्टिन ट्रुडेउले पनि अश्वेत आन्दोलन तथा अमेरिकी प्रहरीको वर्वरता विरुद्द आफ्नो समर्थन जनाएका छन् ।

शुक्रवार अमेरिकामा भएको अश्वेत आन्दोलन तथा अमेरिकी प्रहरीको वर्वरता विरुद्द क्यानडामा भएको आन्दोलनमा सहभागी हुँदै उनले आन्दोलनकारीको पक्षमा रहेको स्पस्ट पारेका छन् ।

क्यानडामा पनि अश्वेत नागरिक रहेको बताउदै उनले आफ्नो देशमा त्यस किसिमको बर्वरता कदापी हुन नदिने बताएका छन् । उनले ‘ ब्ल्याक लाइफ म्याटर्स’ लेखिएको टि-सर्ट हातमा लिदै आन्दोलन प्रति ऐक्यवद्धता समेत जनाएका छन् ।

उनको नेतृत्वमा भएको उक्त आन्दोलन अमेरिकी राजदुतावास अगाडी गएर कोण सभामा परिणत भएको थियो । त्यहाँ पुगे पश्चात ८ मिनेट ४६ सेकेन्ड सम्म सबै आन्दोलनकारी चुपचाप बसेका थिए । उक्त समय जर्ज फ्लायोडले प्रहरी सँग ज्यानको भीख मागेको समय हो ।

उक्त आन्दोलनमा क्यानडाका परिवार मन्त्री अहमद हुसेन पनि सहभागी थिए । उनले यो आन्दोलनमा अश्वेत मात्र सहभागी नभएको बताउदै समाजमा रहेको विभिदतालाई स्विकार्नु र त्यही विभिदतालाई सुन्दर बनाउनु अहिलेको अपरिहार्य आवश्यकता रहेको समेत औँल्याएका छन् ।