जर्ज फ्लायोडको ज्यान मुद्दाले लियो अन्तराष्ट्रिय रुप, अधिकारकर्मीहरुले थाले कोरियामा पनि आन्दोलन

न्यूयोर्क-संयुक्त राज्य अमेरिकामा प्रहरीले नियन्त्रणमा लिने क्रममा एक अश्वेत नागरिक जर्ज फ्लायोडको हत्या गरे पश्चात आन्दोलन चर्किएको छ ।

विश्वकै ठूलो प्रजातान्त्रिक मुलुक भनिएको देशमा अझै सकृय रंगभेद व्याप्त रहेको तथा अश्वेत वर्गमाथिको अत्याचार अझै व्याप्त रहेको भन्दै अमेरिकामा ठूला ठूला प्रदर्शनहरु भइरहेका छन् ।

फ्लायोडको हत्या अव अन्तराष्ट्रिय विषय बनेको छ । हाल उनले तथा समग्र अश्वेत वर्गले न्याय पाउनु पर्ने भन्दै विश्वभर आन्दोलन सुरु भएका छन् ।

पछिल्लो समयमा दक्षिण कोरियाको राजधानी सोलमा विभिन्न अधिकार कर्मीहरुले फ्लायोड तथा सम्पुर्ण अश्वेत वर्गले न्याय पाउनु पर्ने माग राख्दै र्याली आयोजना गरेका छन् । ‘ व्ल्याक लाइफ म्याटर्स’ लेखिएका प्लेकार्ड बोकेका अधिकारकर्मीहरुले र्याली सहित म्यङदङ क्षेत्र परिक्रमा गरेका थिए ।

र्यालीका आयोजक सिम जी हुनका अनुसार यो मुद्दा अमेरिकाको मात्र नभई कोरिया जस्ता बहु पहिचान बोकेका मानिसहरु बस्ने क्षेत्रमा सामाजिक व्यवस्थामा खलल हुन नदिन गरिएको खबरदारी समेत हो ।

पछिल्ला दिनहरुमा दक्षिण कोरियाली प्रसिद्द के-पप व्याण्डले समेत फ्लायोड हत्याको विरोधमा सामाजिक अभियान सुरु गरे पश्चात यो आन्दोलन सुरु भएको हो ।