‘हुवानबासीलाई मारौँ’ भन्दै आर्ट गर्ने जापानी कलाकार पक्राउ

टोकियो- जापानको राजधानी टोकियोमा प्रहरीले ३३ बर्षिय एक नागरिकलाई हुवानका नागरिक लक्षित ग्राफिटी आर्ट गरेको आरोपमा पक्राउ गरेको छ ।

यासुकुनी धार्मिक क्षेत्रमा उक्त ग्राफिटी आर्ट गरेको आरोप उनी माथि लगाइएको छ । उक्त क्षेत्रमा युद्ध बन्दीहरुलाई राखिएको छ ।

सुस्मु कावावे नाम गरेका ती व्यक्तिले ग्राफिटि आर्ट मार्फत समाजमा आतङ्क फैलाउन खोजेको प्रहरीको आरोप छ । पेशाले इञ्जिनियर रहेका कावावेले त्यहाँको एक सार्वजनिक सौचालयमा ‘सम्पुर्ण हुवान बासीलाई मारौँ ‘ लेखिएको ग्राफिटी आर्ट गरेका थिए ।

चीनको हुवान क्षेत्र हाल विश्वभर फैलिइरहेको कोरोना भाइरसको उद्गम स्थल हो ।

उनले सो नारा लेखे पछि सामाजिक असहिष्णुता फैलन सक्ने भन्दै प्रहरीले पक्राउ गरेको हो । हाल उनलाई प्रहरीले अनुसन्धान गरिरहेको छ र अनुसन्धान पश्चात उनी माथि कस्तो मुद्दा चलाइने भनेर निर्णय गरिने प्रहरीले जनाएको छ ।