जॉर्ज फ्लोयड हत्या विरुद्ध ऐक्यवद्धता जनाउन कोरियामा प्रदर्शन हुने

सोल-अमेरिकामा प्रहरी नियन्त्रणमा एक अश्वेत व्यक्ति जॉर्ज फ्लोयडको मृत्यु भए पश्चात अमेरिकामा मात्र नभई विश्वका विभिन्न देशहरुमा जॉर्जले न्याय पाउन पर्ने माग राख्दै प्रदर्शनहरु भइरहेका छन् ।

दक्षिण कोरियामा पनि उनले न्याय पाउनु पर्ने माग राख्दै अमेरिकामा भइरहेको आन्दोलनमा ऐक्यवद्धता जनाइने भएको हो ।

दक्षिण कोरियामा रहेका नागरिकले भने आन्दोलनको स्वरुप परिमार्जन गरेर आन्दोलन गर्ने भएका हुने । उनीहरुले सामाजिक सञ्जालको प्रयोग गरि विरोध गर्दै मृतकले न्याय पाउनुपर्ने तथा रङको आधारमा कसै माथि पनि विभेद गर्न नपाइने भन्दै भइरहेको आन्दोलनमा ऐक्यवद्धता जनाउने भएका हुन् ।

आन्दोलनमा सहभागीहरुले आफ्नो टि–सर्टमा व्ल्याक लाइफ म्याटर्स लेखिएको फोटो सामाजिक सञ्जालमा ह्यास ट्याग #BlackLivesMatter र #GeorgeFloyd सहित पोष्ट गर्ने छन् । त्यसैगरि उनीहरुले “I can’t breathe” तथा “Black Lives Matter” पनि क्याप्सनमा लेख्ने छन् । यि माथि उल्लेखित ह्यास ट्यागहरु कोरियाली तथा अंग्रेजी दुबै भाषामा लेखिने छन् ।

विरोध आयोजकका अनुसार उक्त आन्दोलन भोलि शनिवार सञ्चालन गरिने छ ।

दक्षिण कोरियामा अंग्रेजी भाषा अध्यापन गरिरहेका एक शिक्षकका अनुसार अमेरिकामा अश्वेत भएकै कारण यसरी सिकार भएका जर्ज पहिलो नागकि नभएको र त्यहाँ काला जातिमाथि अत्याचार हाल सम्म पनि व्याप्त नै रहेका कारण यो आन्दोलन उक्त हिंसाको दीर्घकालिन अन्त्यका लागि गरिन लागिएको हो ।

उनका अनुसार हाल सम्म ९०० जनाले माथि उल्लेखित ह्यास ट्याग सहितका टि–सर्टहरुको अग्रिम बुकिङ गरिसकेको तथा अन्यहरुले पनि अन्य तरिकाले आन्दोलनमा ऐक्यवद्धता जनाउने भएका कारण यसको प्रभाव सकारात्मक रहने उनले बताएका छन् ।