अमेरिकी आन्दोलनमा प्रहरी प्रमुखको पनि समर्थन

वासिंगटन डीसी- अमेरिकी शहर डेनभरका प्रहरी प्रमुख अश्वेत बर्गका मानिसको मृृत्यु पश्चात सुरु भएको आन्दोलनमा साथ दिन पुगेका छन् ।

प्रहरी प्रमुख पल पाजेन आन्दोलनकारीको ‘अार्म अन आर्म ‘ आन्दोलनमा सहभागी भएका छन् ।

सिएनएनसँगको कुराकानीमा प्रहरी प्रमुख पाजेनले आफूलाई यस आन्दोलनको नारा मन परेको तथा आफू तथा प्रहरी संगठनमा सुधार गर्नु पर्ने पक्ष धेरै रहेका कारण आन्दोलनमा सहभागी भएको बताएका छन् ।

प्रहरी प्रमुख पाजेनलाई प्रदर्शनकारीको गिरफ्तारिको विषयमा सोधिएको प्रश्नमा आफू विनासकारी प्रदर्शनको विपक्षमा तथा शान्तिपुर्ण प्रदर्शनको पक्षमा रहेको स्पष्ट पारेका छन् ।

हिंसाप्रति शुन्य शहनशीलता अपनाउने कुरामा आफू यकिन भएको बताउदै उनले हिंस्रक प्रदर्शनलाई निरुत्साहित गरिने समेत स्पस्ट पारेका छन् ।

आफू सदैव पारदर्शीताको पक्षधर रहेको बताउदै उक्त घटनामा जिम्मेवार ठानिएका प्रहरी अधिकारीलाई बर्खास्त गरि कानुनी कारवाहीका लागि प्रकृया अघि बढेको समेत जानकारी दिएका छन् ।

अमेरिकामा प्रहरी नियन्त्रणमा एक अश्वेत वर्गका व्यक्तिको मृत्यु पश्चात आन्दोलन चर्केको छ । आन्दोलन चर्के सँगै सरकारले कानुन परिमार्जनको कसरत थालेको छ भने देशका ४० बढी शहरहरुमा कर्फ्यु समेत लगाइएको छ ।