३ महिना बन्द जापानी ‘स्काइ ट्री’ भोलिदेखि खुल्ने

टोकियो- कोरोना संक्रमण सुरु भए यता बन्द गरिएको जापानको राजधानी टोकियो स्थित प्रसिद्द पर्यटकीय स्थल ‘स्काइट्री’ भोलि जुन १ तारिखबाट सर्वसाधारणको भ्रमणका लागि खुल्ला गरिने भएको छ ।

पत्रकार सम्मेलन मार्फत सोमबारबाट उक्त स्थान भ्रमणका लागि खुल्ला गरिने जानकारी सञ्चालकले दिएका छन् ।

टोकियोस्थित सरकारी अधिकारीले संकटकालको अन्त्य सँगै ब्यापार व्यवसाय सञ्चालन गर्न अनुमति दिए सँगै उक्त पर्यटकीय स्थल सञ्चालनमा ल्याइन लागिएको सञ्चालकले जनाएका छन् ।

६३४ मिटर अग्लो उक्त टावर अवलोकनकर्ताहरुका लागि बिहान ९ बजे बाट बेलुका ९ बजे सम्म सञ्चालनमा ल्याइने सञ्चालकले बताएका छन् ।

पर्याप्त भौतिक दुरी, बच्चा तथा बृद्ध नागरिकलाई अनिवार्य फेस मास्क, निश्चित संख्यामा मात्र अवलोकनकर्ताहरुको प्रवेश, निश्चित एलिभेटरहरुको सञ्चालन लगायतका पुर्व सापधानी सहित उक्त स्काइट्री सञ्चालनमा ल्याइने छ ।