‘चीनको कारण हङकङमा स्वतन्त्रता खोसिए छ’ -ट्रम्प

हङकङ-चीनद्वारा हङकङमा नयाँ संसदीय व्यवस्था लागु गर्ने निर्णय लगत्तै अमेरिकी राष्ट्रपति डोनाल्ड ट्रम्पले आफ्नो सरकारका अधिकारीहरुलाई हङकङलाई दिइदै गरेका विशेष सुबिधा कटौति गर्न निर्देशन दिएका छन् ।

उनले ह्वाइटहाउसमा आयोजित एक कार्यक्रममा सो बारे जानकारी दिएका हुन् ।

राष्ट्रपति ट्रम्पले चीनले आफ्नो बोली फेरेको आरोप लगाउदै हङकङमा चीनको कारण स्वतन्त्रता खोसिएको समेत आरोप लगाएका छन् ।

ट्रम्पले आफ्नो सो कदम बाध्यात्मक भएको भन्दै सो घोषणाले हङकङ, त्यहाँ बस्ने नागरिकलाई दु:खी बनाएको पनि बताएका छन् ।

राष्ट्रपति ट्रम्पले आफू हङकङ तथा त्यहाका हरेक जनताको जिवनस्तर उकास्न सकारात्मक भएको बताउदै हङकङका जनतालाई त्यहाँको स्वधिनता रक्षाका लागि अनुरोध समेत गरेका छन् ।

चीनले नयाँ राष्ट्रिय संसदीय व्यवस्था लागु गर्ने जनाए लगत्तै ट्रम्पले हङकङमा दिइदै गरेका स्वास्थ्य तथा अन्य सामाग्रीहरुको आयात निर्यात लगायतका सुबिधा कटौति गर्ने ट्रम्प सरकारले निर्णय गरेको छ ।

ट्रम्पले अमेरिका आउने चिनियाँ विद्यार्थीहरुको समेत सूक्षम निगारानी गर्न भनेका छन् । चीनबाट आफूलाई सुरक्षा खतरा बढेको बताउदै उनले सो कुरा बताएका हुन् ।