जापानी फेस मास्कमा आदिबासी लोगो

टोकियो- जापानमा कोरोना संक्रमण पश्चात बजारमा ल्याइएका थुप्रै फेस मास्कहरु छन् । पछिल्लो समय भने त्यहाँको ऐनु आदिवासि सम्प्रदायका कला कृति इम्ब्रोइड गरि चित्र बनाइएका फेस मास्कहरुको प्रयोग बढेको छ । यस किसिमका मास्कहरुको प्रयोग जापानका एक उच्च सरकारी अधिकारीले प्रयोग गरे पश्चात ह्वात्तै बढेको हो ।

क्याविनेटका प्रशासकीय सचिव योसिहिदे सुगाले ऐनु संस्कृतिलाई बढावा दिन यसका सकारात्मक पक्षहरुको प्रयोग बृहत रुपमा गरिनुपर्ने बताएको तथा बैठकमा उनले पनि ऐनु संस्कृति झल्कने चित्राङ्कीत मास्क लगाए पछि बजारमा उक्त मास्कको मुल्य ह्वात्तै बढेको हो ।

योसिहिदेले उक्त मास्क लगाएको देखेपछि बैठकमा उपस्थित सबै जना छक्क परेका थिए । ऐनु संस्कृतिको प्रचार प्रसारमा मद्दत गरेको भन्दै योसिहिदेको उक्त बैठकमा तारिफ समेत गरिएको थियो ।

१५ विभिन्न डिजाईनमा उपलव्ध मास्कको बजार मुल्य ८५० जापानी येन रहेको छ । दिनमा २० वटा उत्पादन गर्ने क्षमता रहेको उक्त उत्पादक सँग हाल एकै दिनमा ७०० बढीको माग हुन थालेको छ । मास्क उत्पादक हागाले जनताको माग पुरा गर्न आफू सक्दो प्रयास गर्न लागि परेको समेत बताएका छन् ।