अमेरिकामा कोरोना संक्रमितलाई पक्राउ गर्ने दर्जन सुरक्षाकर्मी क्वारेन्टाइनमा

वासिङ्गटन डीसी- अमेरिकाको टेक्सस राज्यको क्रोपस कृष्टी भन्ने ठाउँमा एक कोरोना संक्रमित सम्भावित व्यक्तिलाई पक्राउ गर्ने दर्जन बढी सुरक्षा अधिकारीहरु क्वारेन्टाईनमा बसेका छन् ।

सम्भावित संक्रमितले भाग्ने प्रयास गरेपछि उनलाई समात्ने क्रममा ५ प्रहरी अधिकारी तथा शहरी कारागार केन्द्रका ७ जना अधिकारी गरि १३ जनालाई क्वारेन्टाइनमा राखिएको छ ।

सम्भावित संक्रमितलाई एक खाद्य स्टोरमा भेटेपछि प्रहरी टोली पक्राउ गर्न गएको थियो । उनी भाग्न लागेपछि प्रहरीले गिरफ्तार गरेको थियो ।

प्रहरीका अनुसार कसैले पनि पिपिई नलगाएका कारण उनीहरुलाई क्वारेन्टाइनमा राखिएको हो ।

के कारणले ति संकास्पद व्यक्तिलाई पक्राउ गरियो र किन प्रहरी समक्ष पक्राउ गर्न उजुरी गयो भन्ने बारे प्रहरीले केही पनि बताएको छैन । हाल उनलाई शहरको कारागारमा राखिएको थियो भने उनमा कोरोना संक्रमण प्रमाणित भइसकेको र हाल उनलाई अस्पताल पठाइएको छ ।

उनलाई गिरफ्तार गर्न गएका प्रहरीहरुको कोरोना संक्रमण परिक्षण भइसकेको र केहीको नतिजा आउन अझै बाँकी रहेको प्रहरीले जनाएको छ । नतिजा नेगेटिभ आए पनि १४ दिन उनीहरुलाई क्वारेन्टाइनमा नै राखिने प्रहरी श्रोतले जनाएको छ ।