कोरियामा कोरोना – परीक्षणमा सहयोग नगर्ने क्लव तथा बारका ग्राहाकप्रति आक्रामक बन्दै सरकार

सोल-दक्षिण कोरियाका प्रधानमन्त्री चुङ से क्युङले इथेवन क्लवबाट कोरोनाको सामुदायिक संक्रमण सुरु भएका कारण ती क्षेत्रमा भ्रमण गर्ने ग्राहकहरुप्रति आक्रामक प्रतिकृया दिएका हुन् ।

उनले यदि कोरोना संक्रमण परीक्षणमा सरकारी सुचना, निति तथा नियमको वेवास्ता गरिएको पाईएमा संक्रमण नियन्त्रण एन अन्तरगत कडा भन्दा कडा कारवाही गरिने चेतावनी दिएका हुन् । सोमबार एक सुचना प्रकाशित गर्दै उनले बारमा गएका सबैलाई यथाशिघ्र परिक्षणमा आउन पनि भनेका छन् ।

सो क्लव संक्रमणसँग सम्बन्धित संक्रमितहरुको संख्या ७५ पुगे सँगै प्रधानमन्त्रीको सो भनाई आएको हो । हाल ईथेवनका क्लवमा भ्रमण गरेका मानिसहरु यत्रतत्र फैलिसकेको बताउदै उनले अविलम्ब क्वारेन्टाईन नियम पालना गर्दै परिक्षणमा आउन भनेका छन् ।

हालसम्म ती स्थानमा भ्रमण गरेका मध्ये आधा मानिसहरु पनि परीक्षण तथा सम्पर्कमा नआएको बताउदै उनले यथाशिघ्र सम्पर्कमा आउन भनेका छन् ।

क्युनले अब सोल र शंकास्पद स्थानहरुमा र्यापिड परिक्षणको दायरा फराकिलो बनाउनु पर्नेमा समेत जोड दिएका छन् ।

करिव १ हप्ता सम्म कोरोना संक्रमण शुन्य बनाएर सामान्य जनजिवन सुरु गरेको कोरियामा यो नयाँ संक्रमणले पुन: त्रास फैलाएको छ ।

सोलका मेयरका अनुसार ति बारहरुमा सञ्चालन यता ५५१७ जनाले भ्रमण गरेको तर सम्पर्कमा भने जम्मा २४०५ जना मात्र आएको बताउदै सरकारले सबैको नामावली संकलन गरिसकेको समेत बताएका छन् । यदि कसैले झुटो विवरण दिएको पाइए कडा भन्दा कडा कारवाही गरिने पनि उनले बताएका छन् ।

सरकारले संक्रमण फैलिए सँगै सबै प्रकारका क्लव तथा बारहरु बन्द गर्ने निर्णय गरेक‍ो छ ।